- ປະເມີນຜົນກະທົບ ຕໍ່ສິ່ງແວດລ້ອມ ແລະ ສັງຄົມ ທີ່ມີຄຸນນະພາບ ໂດຍສອດຄ່ອງກັບ ລະບຽບການ ແລະ ມາດຕະຖານ ຂອງປະເທດ ແລະ ສາກົນ.
- ນຳໃຊ້ ຜະລິດຕະພັນ ນາໂນຊີວະພາບ ພ້ອມລະບົບ ການຈັດການນ້ຳເປື້ອນ ຄົບວົງຈອນ ໃຫ້ສອດຄ່ອງ ກັບຄວາມຕ້ອງການ ຂອງຕະຫລາດ ໃນການແກ້ໄຂບັນຫາ ມົນລະພິດທາງນ້ຳ.
- ບໍາບັດນ້ຳເປື້ອນ ທັງລະບົບຕັ້ງແຕ່ຕົ້ນທາງ ດ້ວຍການໃຊ້ ວັດຕະກຳ ທຳມະຊາດ, ບໍ່ໃຊ້ສານເຄມີ ແລະ ບໍ່ທຳລາຍສິ່ງແວດລ້ອມ.
- ຮ່ວມສ້າງພະລັງຂັບເຄື່ອນ ໃນການແກ້ຕົ້ນເຫດນ້ຳເປື້ອນ, ຫລຸດພາວະໂລກຮ້ອນ ແລະ ສ້າງຈິດສຳນຶກ ດ້ານການອະນຸລັກ ສິ່ງແວດລ້ອມ ແບບຍືນຍົງ.
GGG ເປັນທັງຜູ້ໃຫ້ຄຳປຶກສາຫາ, ເປັນສະເຫມືອນເພື່ອນ, ເປັນຜູ້ໃຫ້ບໍລິການ ແລະ ຄ່ອຍເບິ່ງແຍງ ຊ່ວຍເຫລືອ ເພື່ອບໍ່ໃຫ້ເກີດມີບັນຫາ, ຈັດຫາສິນຄ້າ ແລະ ບໍລິການທີ່ດີ ດ້ວຍຜະລິດຕະພັນ ທີ່ມີຄຸນນະພາບສູງ ແລະ ໃຫ້ຄຳແນະນຳ ຈາກທີມງານມືອາຊີບ ດ້ວຍ ນະໂຍບາຍ ທີ່ຈະຄອຍເບິ່ງແຍງ ຈຳກັດມົນລະພິດທາງນ້ຳ ທັງພາຍໃນບ້ານ, ອາຄານພັກອາໃສ, ຫນ່ວຍງານລັດ, ວິສາຫະກິດ, ອົງກອນເອກະຊົນ, ຟາມ ລ້ຽງສັດ, ຫນອງປາ ຕະຫລອດຮອດໂຮງງານ ອຸດສາຫະກຳ ທີ່ກຳລັງດຳເນີນການ ຫລື ຈະສ້າງ ຂຶ້ນໃຫມ່. GGG ຍືດຫລັກການ ໃນການໃຫ້ບໍລິການ ໂດຍນະໂຍບາຍ ເປັນຜູ້ໃຫ້ ຄຳແນະນຳທີ່ດີ, ສ້າງຄວາມເຊື່ອຫນັ້ນ, ເປັນຜູ້ຊ່ວຍ ແກ້ໄຂບັນຫາຢ່າງ ຮີບດ່ວນ ໃນໄລຍະເວລາອັນສັ້ນ ແລະ ເປັນຜູ້ຊ່ວຍປ້ອງກັນ ບໍ່ໃຫ້ເກີດບັນຫາ ໃນໄລຍະຍາວ.
GGG ມີຊື່ເຕັມວ່າ ບໍລິສັດສິ່ງແວດລ້ອມສາກົນ ຈຳກັດ (Go Green Group Co., Ltd.) ສ້າງຕັ້ງຂຶ້ນໃນປີ 2012 ພາຍໃຕ້ການຈົດ ທະບຽນ ວິສາຫະກິດ ເລກທີ 2289/ຫຈທ ໂດຍມີຈຸດປະສົງຕົ້ນຕໍ ຄື:
- ດຳເນີນການປະເມີນຜົນກະທົບ ຕໍ່ສິ່ງແວດລ້ອມ ແລະ ສັງຄົມ
- ອອກແບບ ແລະ ຕິດຕັ້ງລະບົບບຳບັດນ້ຳເປື້ອນ ແລະ ກຳຈັດສິ່ງເສດເຫລືອ
- ວິໄຈນ້ຳ ແລະ ອາກາດ
- ດຳເນີນການຝຶກອົບຮົມດ້ານສິ່ງແວດລ້ອມ, ການກຳຈັດນ້ຳເປື້ອນ, ສິ່ງເສດເຫລືອ ແລະ ການກະເສດ.
- ຈຳຫນ່າຍຫົວເຊື້ອຈຸລິນຊີ ຊີວະພາບ, ຜະລິດນ້ຳຢາທຳຄວາມສະອາດ ຊີວະພາບ ແລະ ປຸຍຊີວະພາບ.
ການດຳເນີນການແກ້ໄຂບັນຫາສິ່ງແວດລ້ອມ, ບັນຫານ້ຳເປື້ອນ, ສິ່ງເສດເຫລືອ ໂດຍການນຳໃຊ້ ເຕັກໂນໂລຊີແຫ່ງອະນາຄົດ ທີ່ເອີ້ນກັນວ່າ ນາໂນເທັກໂນໂລຊີ ມາປະສົມປະສານ ກັບເທັກໂນໂລຊີຊີວະພາບ ຈົນເກີດຜະລິດຕະພັນທີ່ມີຄຸນນະພາບ ແລະ ມີປະສິດທິພາບສູງ ມານຳໃຊ້ໃນການຈັດການ, ແກ້ໄຂບັນຫານ້ຳເປື້ອນ ທີ່ມີຕະກອນ ແລະ ມີໄຂມັນ ເຮັດໃຫ້ມີກິ່ນເໜັນ.
ຫ້ອງການ ບໍລິຫານຂອງບໍລິສັດ GGG ຕັ້ງຢູ່ບ້ານຫນອງດ້ວງໃຕ້, ເມືອງສີໂຄດຕະບອງ, ນະຄອນ ຫລວງວຽງຈັນ.
ນອກຈາກນັ້ນ GGG ໄດ້ສ້າງສູນທົດລອງຕົວຈິງ ຕັ້ງຢູ່ບ້ານ ນາຍາງ, ເມືອງນາຊາຍທອງ, ນະຄອນຫລວງວຽງຈັນ. GGG ເປັນບໍລິສັດ ໃນເຄືອຂ່າຍ ກັບ ບໍລິສັດ Best Care International (Thailand) ຊຶ່ງເປັນບໍລິສັດ ທີ່ເຮັດຫນ້າທີ່ການບໍລິການຄືກັນ ທີ່ມີປະສົບການ 10 ປີ ແລະ ມີທີມງານວິຊາການ, ມີເຕັກໂນໂລຊີ ທີ່ທັນສະໃໝ, ມີເຄື່ອງມີອຸປະກອນ ທີ່ແຂງແຮງ ແລະ ໄດ້ຮັບຮອງໂດຍອົງກອນທີ່ກ່ຽວຂ້ອງ ຂອງລັດຖະບານໄທ.ໃນວຽກງານ ການປະເມີນຜົນກະທົບ ຕໍ່ສິ່ງແວດລ້ອມ ແລະ ສັງຄົມ ໃນໄລຍະຜ່ານມາ, ບໍລິສັດ ມີປະສົບການ ໃນຂະແຫນງການຕ່າງໆ ເປັນຕົ້ນ ຂະແຫນງການພະລັງງານ ແລະ ເຂື່ອນໄຟຟ້ານ້ຳຕົກ, ອຸດສາຫະກຳ ແລະ ບໍ່ແຮ່, ກະສິກຳ ແລະ ປ່າໄມ້ - ທ່ອງທ່ຽວ ແລະ ຂະແຫນງການພື້ນຖານໂຄງລ່າງ ລວມທັງກິດຈະກຳທີ່ພັດທະນາ ໃນເຂດອຸດສາຫະກຳ ແລະ ເຂດເສດຖະກິດພິເສດ/ ສະເພາະ.
ໃນໄລຍະການກໍ່ສ້າງໂຄງການ ແລະ ດຳເນີນງານ, GGG ຍັງໃຫ້ບໍລິການ ການແກ້ໄຂບັນຫາສິ່ງແວດລ້ອມ ເປັນຕົ້ນ ນ້ຳເປື້ອນ, ສິ່ງເສດເຫລືອ ທີ່ເກີດຈາກການດຳເນີນໂຄງການ. ນອກຈາກນັ້ນ ຍັງບໍລິການ ສ້າງບົດລາຍງານ ການຕິດຕາມກວດກາ ໃຫ້ເຈົ້າຂອງໂຄງການ.
No comments:
Post a Comment